sohde ki sohbat

"Wo meri Tanhai ke din the......sathi Sath koi na tha Siway iss mari Cigrate ke.....Railway Track par akeli tanha raaton me bas main aur meri ye pyari cigrate(raat ki tanhai me ye cigrate mari se pyari tak ka safar badi aasani se tay kar leti thi) haan tanhai ke saath kuch aur bhi tha....Uska khayal.... uske muskurate chehre ki ko wo pehli jhalak .....Uske badan ki khosboon jo mere haton me ab tak basi hai.... Uske gesun ki wo uljhi lat suljhane ko aaj bhi haath khud b khud aage badh jate hain.... ki tabhi aachank wo jaa rahi hai aur uski un moti panidar aankhon me aansu...... haan Tin saal bit gaye...use gaye hue..... Par aaj bhi sabkuch kisi bahut  priy hindi film ki patkatha jaisa man me basa hai..... aur jaise koi bahut strict teacher roj roj paath yaad nahi dilata thik usi tarah roz shaam dhalte hi usse judi har baat mera picha karte hue aa jati hain..... Aur phir uski yaadon ke saath main ek station se dusre aur dusre se tisre tak cigrate ke kash  udata hua chalta jata hun.....raah me kai shohde mil jate hain.... kai kahaniyon ke saath... sabki apni  apni alag baaten hai...alag andaaz... Sunna chaohgi ki kya un kahaniyon ko?????"


Haan Kuch aisi hi baaten hui thi pehli baar jab antrang palon me beth kar batiya rahe the Hum..... Hum yaani ki main aur mera( Usse aaj tak koi rishta nahi tay kar payi hun).... kher kahani ko aage badhane ke lie maan liziye ki uss waqt tak wo mera dost tha....hmm tab tak uski Sohdegiri se anjaan thi main.... aacha wapas uske sawal par aati hun ki kyaaa main sunna chahti hun wooo kahaniyaan jooo use un sohdo ne sunai thi....????


khair uss waqt maine naa kia aur uski zindagi me "Quit Smoking" ka borad laga maine uski tanhai ki nai saathi ban gai....uske khaylon ne bhi uska picha karna kum kar dia tha.... Mujhe nahi pata iss baat me kitni sachai thi par us waqt jab usne ye kaha tha...tab man ko badi thandak mili thi.....ki wah!!!! ek tanha dishahin insaan ko raah par le aayi hun main..... 


Wo meri dildari ke din the....sayad aisa kuch kehta hoga wo aajkal apni nayi dost se...khair..... Hum khush the...aur uske according toh wo isse pehle zindagi me kabhi itna khush nahi tha...raat bhar hum ab bhi jagte the par ab hum kisi yaad ko dil me jalane ke lie nahi par har pal ek nayi yaad banane ke lie jagte the.... khair par jaise dharti kitni bhi pyasi kyon na ho woh barish ki bundon ko sada apne pass nahi rakh sakti thik waise hi woh bhi itni tadap ke baad mili iss dildari ko naa samjh saka...aur phir hum un yaadon par rone lage jinhe kal parson tak sanjote the....


Aur phir wahi silsila shuru ho gaya...wahi ek ke baad dusra aur dusre ke baad tisra platform..wahi cigrate ke kash aur har kush ke saath ghulti zindagi aur badhta nasha aur har nashe ke saath ek naya sohda.... Haan aaj bhi wo akela nahi tha...use saath uske shode the .... jo raat ke 11 bajne se pehle tak dost hote hain par 11 ke baad sab apni zindagi se aasliyaat ka mukhota utaar ban bethte hain sohde.... Dhyaan se sochun toh hum sab aisa hi karte hain ek chere par doosra chehra laga khud ko iss life nami market me bechte hain...ye to bas sohde giri hi karte hain sodagiri nahi...khair ...par wo samaj ke niyam ke khilaf hai aur saudabaji to haq hai...ha ha ha.... jis bhi kamine ne ye saare niyam banaye uski to.... saale ne baja daali(sorry 4 abusive language) par sayad aaj yahan main bhi ek mukhota utaar rahin hun.....LOLWSF....


khair wapas kahani par aate hue.... Wo humari badnami ke din the...... are sohdon ki sohbat me neknaami to nahi milegi ab..... par sach kahun toh ye badnami aaj tak mili har izzat se badhakar aziz hai iss dil ko..... har wo gyaan jo zindagi se mila hai...usme sabse zyada mohabbat inn sohedebaji ki lamho se hi hai...... haan abtak humari personal baaten puri dunia me phel chuki thi...waise mujhe aaj tak nahi pata ki un baaton me aisa kya thaki baat badnami tak pahunch gayi.... hum dono me se kisi ne bhi kabhi "Pyaar, Ishq, mohabbat" jaise shabon ka naam tak nahi lia tha...kabhi koi date par nahi gaye the.... bas kuch share kia tha...aur ye kuch un gandi soch wale logon ki choti soch se kai pare tha,,, us kuch me lipti thi kuch baaten uske sapno ki... meri kal ki.... uske bite kal ki mere aane wale kal ki... thodi si care aur kai bin kahi feelings,,,,, aur bhi naa jane kya kya.... par badnami to honi thi so ho gayi...wo to pehle hi badnamm tha aur ab to humara naam isme bhi uske saath ek ho gaya tha..... 


Waqt isme bahut takat hoti hai...aisa suna tha.... ye har jakhm bhula deta hai.... ye bhi jante the...Out of sight ...out of mind ki theory par bhi yakeen tha...par in sab par se yakin uth gaya tha... tin mahine humne ek dusre ki shakl nahi dekhi...na hi kabhi ek lafz hi suna padha yaa dekha.... par phir bhi har bittewaqt ke saath wo aur zyaada yaad aya... har zakhm aur taza hua... jaise  hi ghadi me samay 11 bajate na jane kyon aisa lagta ki kisi ne harzakhm ko phir se chi dia hai...main apna haath utha ke us zakhm ko sehlana chahti hun par whan koi physical pain nahi tha...ye sab to mere dimaag me hi tha.... kai baar chaku ki nauk se man ke dard ko tan par ukeda ki kum se kum log baag dekhar sahnubhuti ke do shabd thamayenge to dard banta banta sa mehshus hoga...par us technique ne bhi dokha hi di


 wo mere dendari ke din the..... uska kuch saman mere pass jo chut gaya tha wo unhe wapas chahta tha...aisa kehte hue uska call aya tha...tin mahine baad...ki maine uske confidence ko rakh lia hai... main uske jine ke haq ko rakh lia hai... maine sayad usko hi rakh lia hai... aur wo ye sab shud samet wapas chahta hai...wo bhi jaldi aur sab kuch ek hi baar me ... kisi installment ki sahuliyat bhi nahi di thi usne.... kya karti kaise chuka pati itna sab kuch ek hi kist me... aap hi batayie possible tha kya mere lie... wo bhi tab jab dono haathon ki nasen das das baar kut kar iss sarir ka aadha khun baha chuki thi.... mere lie toh yee din me tare dikhane se bhi zyada muskil tha... aur phir jaisa hota hai...karzz nahi chukane wale ki property par kabza jama lia jata hai dendar dwara... haan meri harproperty...har soch...har lafz.. har vichaar par uska haq tha... aur hum kuch naa kar sake...kuch bhi nahi...


wo meri zawabdari ke din the.... hum roz ek naya swang rachte...wo shaam dhalte hi sohde ki aasliyat ko chupane ke lie...saadgi ka mukhata lagta tha aur main... roz use rijhane kelie saadgi ko chod sohde banne ka swang karti... khair swango se bhi bhala zindagi chali hai kyaa kabhi ...aur phir ek ke baad asliyat ki parte khulti gai...aur har parat ke saath ek naya sawal aur kai bina uttar ke prashm humari zindagi ko hi prashn chin laga gaye.....????? yun toh sab kuch thik hi tha... par kahani me tisra nahi woh nahi bardasht kar pati.... sohdon ki sohbat ko nazarandaaz kar dia par... sohdon ki sohde banne ki wajah agar ziwan ka dhey banne lagi thi....


Wo humari khamosi ke din the...... yaaa phir ye kehna jyada aacha rahega ki wo meri khamoshi ke din the..... kyonki humare kehne layak kuch bacha hi nahi mere aur mere ( haan ab bhi soch nahi payi hun ki kaun sa rishta hai hum dono ke bich)...... ab toh kahani ko badhane ke lie ye bhi nahi keh sakti ki farz kar liziye ki wo mera dost hai..... kyonki sohdon ki sohbat ka anzam dekh chuki hun...aur dosti nahi nibhai jayegi humse.... haan bich main hi chod kar jaa rahi hun... raat 11 ke baad agar koi mujh jaisi dikhane wali mile toh us sohde ki kahani mat puch bethana... khuda ki kasam aap sohdebaji bhul jayenge.... bas ek shukriya ada karna chahungi tumhara mujhe iss sohdon ki haseen dunia ka visa dilwane ke lie.....


P.S.-- soooo Mr. Mayank Agarwal... maine aapka challenge pura kar dia... bina kisi naam... bina kisi location... bina kisi introduction ke ye kahani hai... bina kisi ghatna ke bhi.... hope tumhe pasand aaye... now its ur turn.. :)