Ladki.... Freedom..... Sapna....Shadi.....!!!!!

Kafi din baad  Star plus ke darshan kie..... Dekha to ek naye Serial ke promos aa rahe the.... serial ka naam hai "Diya aur Bati Hum".....

Serial ke promos dekhkar laga ki story kuch aisi hai jo ek ladki ke khwabon ko uski shadi ke baad jinda rakhne ki uske pati ki kosis ko darsaegi!!!!

Dekhkar aacha laga..... chalo isbare me kisi ne socha to sahi.... ki ladki ke bhi sapne hote hain........

aap ye mat samajh lizyega ki mujhe Ekta kapoor se serial ke promotion ke kuch paise mil rahe hain.... hum to bas aise hi.... vishay vastu pasand aayi.... kuch likhne layak material mila to ... bas humare undar ka blogger jag gaya.....Par iss blogger se pehle mere under ka painter (bura sa) bahar aaya.....

Painting kaisi lagi???? Painting ke rang kaise lage???? Wo Aap baad me bata dijyega.... Philhaal suniye Shadi ka mane... ek ladki ki zubani... Haan.... Ek 21st century , educated, self-dependent ladki ki hi zubani...

SHADI 

----------------------------------

----------------------------------

Jis tarah se Shadi ek ladki ko akela karti hai

wo bas ek ladki hi samajh saki hait!!!!

Sare dost piche chut jate hain..

bas ek rishta banane ke lie

-------------------------------------

---------------------------------

Shadi me bas ownership change hoti hai

Mata- Pita ki jagah Pati le leta hai

Sasural ke bahut sare log le lete hain

------------------------------------------

-----------------------------------

Ek Ladki ke lie Azadi bas ek chalawa hoti hai..

Aazad wo sayad sirf markar hi ho sakti hai

-----------------------------------------

-------------------------------------

Ek soch ko zinda rakhne ke lie kafi

mehnat karni padti hai...Bahut dard sahna padta hai

phir bhi kai khayal bas dafan karne padte hain..

kyonki unka kharcha - pani uthana

bas ki baat nahi hoti

----------------------------------------------

---------------------------------------

Tumhara sach mera dard ban jata hai

Aur

Mera sach zid ke siway kuch nahi lagta tumhe

----------------------------------------

-----------------------------

Bahut din chalne wali ladai ke baad

jit - haar se koi phark nahi padta

-----------------------------------------------

-------------------------------

Meri haar tumhari Jit kaise ban jati hai???

Aaj tak nahi samjh aaya???

--------------------------------------------

------------------------

sab thak jati hain,,,, 

aise ladte ladte

bas ek ichha rahti hai

man me

Ek ghar ki

Jahan sab kuch bina jghagre ke

mil jaye

-----------------------------------------

----------------------

Usse Ghar hota hai...

Par Uska ghar nahi hota

Hota hai to

 Pita ka ghar

yaa

Pati ka ghar

------------------------------

--------------------

Main Apni iss nayika  ko jhaghorti hun.... usse hazaron sawal karti hun..... par wo bilkul chup hai... ekdum shant... maut si syad.... par wo aise chup kab raha karti thi.... ye wahi ladki hai... jo abhi shadi se pehle tak aise bolti thi ki sunne wale dang rah jate the.... Chup karane se bhi shant nahi hoti thi.... par aaj ye badlav kyon???? Shadi... sunne me kitna fanciful lagta hai.... par sach kahun aaj apni kai doston ko metro cities me iss ek shabd ke dar se ghar se door rahte hue dekh rahi hun... kyonki wo janti hain... ki ghar jayengi to shadi naam ki bedi par saheed ho jayengi..!!!! 

Uski ye khamoshi ab bardasht nahi hoti.... aur naa hi uska yun ghar se bhagna pasand parta hai hume.... par kya karun???? Is samaj ko badalne ki Himaat nahi rakhti.... !!!!Meri dost!!! Maaf karna sab samjhti hun... par kuch kar nahi sakti.... siway yun likhne ke...... padh lena ... sayad kuch tasaali mile tumhe....

Serial ka Title biluk sahi hai.... Diya aur bati hum...

Sayad Pati- Patni ka rishta bhi aisa hi hota hai

patni rupi bati jalti hai

Aur pati rupi dipak prakashit hota hai!!!

Par kab tak????
----------------------------------------
-----------------------------

P.S-- Yahan shadi ke sandarv me di gai sabhi baaten ek experienced wife dwara kahi gayi hain.... uska agar kisi jivit aur mrit vivahit mahila se agar koi sampark mile to ise mahaj ek sayong manne ki galti mat kizyega,,,, ye ek vastvikta hai!!!! kora Sach!!!!
--------------------------------------------------------------------------------------------------------------------------------------------------------------------------------------------------------------------------