MisFit

Kabhi - kabhi khud ko iss dunia ke lie ekdum misfit feel karti hun.....

Ahm brahm ko manne wale ko agar neend me uthakar Ahm Brand ke baazar me transferr (permanent) kar diya jaaye to ..... kuch waisi hi dasha hai humari bhi!!!!

Ek chota sa instrument "credit card" kaise bachpan se insaan ko karz me doobo raha hai.... ye dekh khud par ... apni medha par... apni degree .... aur kaafi hud tak iss modern tech world par sharm si aa jaati hai!!!

Roz subah uthti hn iss soch ke saath ki bhad me jaaye dunia...
jine do inhe brands ke sath...
hum apne Brahm ke saath khush reh lenge....
par wahi subah jab dopahar ban kar aati hai... to khud ko usi baazar me Brand ko brahm bana bechtti paati hun...

Papa kehte hain... hum Dwetwaad ke upaasak hain..... Dhram grantho me bhi likha hai....
"Manushya sada hi "Deh" aur "Ruh" ke madhya fansa reh jaata hai"
Agar ek baat deh ko bhali lagi to wo ruh ke lie narak ka dwar saabit hogi.... aur kahin ruh ki bhalai sochi to ye deh sampoorn jivan narak bhogegi....

Ye kuch waisa hi hai .... jaise Panni aur barf hain to dono ek hi roop phir bhi do alag saarthakta rakhte hain.... do alag deh....

Kuch dino tak gita ke "Nishkaam karm" ko man me bethaakar tasalli paane ke kosis bhi kar chuki hun....
par phir laga ki ye naa to deh aur naa hi ruh ... kisi ko bhi saarthakta nahi deta hai....

"consumer is king" wale iss market me.... consumer waisa hi king dikhta hai jaisa apne desh ke pradhanmantri ji hain....

Sach bikta hai.... jhut ke sunder packing wale lifafe me....
grey is in fashion
kitna safed kitna black bas ye poochne ki himmat mat karna...
Jitna upar se dekh sako dekh lo.... baki sab ke lie Advertisments hai naa......

Doston ke saath bethti hun... kisi sunday..... gappe ladati hun... taang khichti hun...
ji bahr ke hansti hun...
zindagi na milegi dobara ke gazab ke sahi concept ki taarif karti hun
aur phir wahi monday ki subah se Brandism ko Brahmishm bana ke nafa nuksaan ki kitaab me tolne me busy ho jaati hun...

aur ye cycle pure saptah chalta hai...
Phir Sunday aata hai....
Aur Hum phir wahi aukaat pe aa jaate hain...!!!!

Humne Upar kuch kaha tha ki hum iss dunia ke lie misfit hain...

Aapne kya samjha ki hum kya kehna chah rahe hain....

I am Miss Fit or I am a Misfit in this World,....

nirnay aap par hi chodte hain....

Footnote-- Apne lie likha bahut bikhra sa hota hai.... Sometimes you feel you are lost in this world of brands... where even God comes in lucrative packaging.... in such moments, just to feel that yes that something called "Humanism" is alive somewhere inside you.... i take help of these words.... Its also one of such writings.... I am putting  it in unedited way , sometimes its the best way to publish unedited thing because it brings back same feelings, same mood with which you have written it..... and that's the purpose of writing for me... to feel more nearer to your own feelings!!!! :)