...Wo Kaali Roti Aankhon wali Ladki

Chalo aaj thode sentiyae hue hain.... to aapko bhi isi ghor senti mood me ek philopsophy bhari kahani sunati hun....!!!
Kahani ???? Sunkar dadi maa yaa nani maa ko yaad karne ki jarurat nahi .... main un jaisi jadugar nahi ban payi hun... unki kahaniya bachon ko sula diya karti hain... aur meri sayd neend chin leti hain....

Jaante hain bachpan se hi Kahani term hume bada Fanciful lagta tha.... jaadu se bhara,....
Sochti hun Ishwar kya hai???? Kahnikaar hi to hai naa..... Rachte hain kuch kirdaar ... phir apni marzi ki kahani uski naseeb ki kitab me likhte hain.... aur hum insaan use jite hain... kewal ek baar jite hain... jite hain likha hai  kyonki humare pass aur koi option nahi hai..... kewal ek baar isliye.... Arre!!! bhagwaan ji ki rachnamakta par sawaal mat uthaiye.... wo har baar naya likhne ki kubaat rakhte hain.... Phir bhi hum insaan "Generalized" karne par tule rehte hain....

khair aaj khud ko ishwar se kaafi nazdik mehshus kia.... to unke hi bhanti aaj ek kahani ko likhne ki kosis /gustakhi bhar karne ka prayash kar rahi hun....

Par Kahani se pehle ek sawaal....
jaise Jab hum koi kahani likhte hain/padhte hain/ dekhte hain/sunte hain to kaise laakh ye jaane ke bawzud ki Rita, Edward, Raj, Puja, Piyush bas character bhar hain... fictional hai.... hum jud se jaate hain unse...

Kya Waise hi Ishwar bhi mehshus karte honge Humare dard ko????
Kya wo bhi do bund hi sahi aansu to "Must Bante hain" , aisa sochte honge???
OR
Ishwar is also busy Playing Dice with us???

I don't know Its answer....
May be there is no Perfect answer for it...
It depends on our Trust

Oh! I was lost again in the world of No answers....

Coming Back to the topic ....
Khud ek Kahani ho jaane tak.... Kosis rahegi ek Kahani likhne ki....
-------------------------------------------------------------------------------

Par Main "Wo" ladki nahi ho sakti....
Simple sa concept hai.... aap lakh Kahaniya Padh lo... Kitni hi Movies se khud ko relate kar lo ,
Kisi  "Apne" yaa(Begane ) ke Gum me Udaas ho lo... Unki Khushi Par "Genuinely" Khush Ho Jaane par bhi..
At the End of the day Aap "AAP" hi rehte hain....

Simple sa Concept hai... aap par lakh cheezen phenki jaayegi.... log aapko hazaar baate kahenge....
But You will take things The way you want to take it and believe me things will come to you in your that set way only!!!!
Ye kuch aisa hi hai ki .... Light has all the colors.... But Pink appear as "PINK" and Green as "GREEN" because all the other colors are absorbed .....

Simple sa Concept hai....
Pata Hai... Aisi hi baaten mujhe sochne par mazbur kar deti hain.....
Us Ladki Ki aankhen...
--------------------------------------------------------------------------------

Us Ladki ki Udaas kaali Aankhen...

Kaash me kuch aisa likh paati jisse aap padh ke uske dard ko samjah paate....
Par Phir sochti hun ...
Aap samjh kar kya Karenge....
Samjhenge aap.... par jeena to use hi hai???

Simple sa concept hai.... Par phir bhi hume sabke dard se matlab hai...
Sab kuch samjhna chahte hain....

Wo aisi ladki hai... Jo har ek se jhagda karti hai.... choti se choti baat bhi use thesh pahuncha deti hai...
Aansu uski aankhon par waise hi saze rehte hain.... Jaise Ek Upper Middle class ghar ke main door par swastik ka chinh....

Naa jaane kyon mujhe iss baar uska rona ek dum Extreem lag raha hai... Ek shaant die ke bujhne se pehle ki aakhiri lahak si.... Main janti hun (Pata nahi Kaise) , Ab ye aankhen aur nahi royengi/ ro paayengi....

--------------------------------------------------------------------------------

Yakinan Kuch saal baad uske under ki ye stri mar jayegi.... Wo Professionally badi tarakki kar legi...
Pati se koi vivad nahi hoga... Bachhon ko aache sanskaar aur paisa dono hi de payegi...
Yaani Upar se Dekhne me sab normal,,,, Infact PERFECT!!!

Wo Muskuraegi... apne wahi Sophisticated way me par khilkhilayegi nahi...
Wo Dantegi par Ladegi nahi...
Wo Sunegi.... Aur Positively legi Par Ab Wo Royegi Nahi!!!

Ye abhi ka jo Rona hai na..... I think Its her Final Step to be a Strong girl and consequently a Well Mannered , Sophisticated Lady!!!

---------------------------------------------------------------------------------------
Us Ladki ki Un kaali Roti aankhon ke ass Pass to me dheron Kahaniyaan bun sakti hun..
Par phir Sochti hun... Mera Kya hai ...
Main to likh dungi kuch bhi
Jeena to Use Padega...

Mata-Pita ne sophisticated se kisi reason ke naam par  Divorce lia
Aur Use choda Gaya
Pita ki Nayi Mrs... Jo Bikul "Mis" jaisi Lagti thi...
Jahan Wo Apni Maa ko bahut "Miss" bhi karti thi..

Us 12 saal ki choti si umar se Boarding, Hostels, PG
me ghar ko dhundte hue...
Uski Zindagi me kitne Rishte bane chute
kitni compermises usne ki...
Live In... Live out...
sab hua

Par ek ghar wo nahi mil paya....

Aaj Apni beti ko pehli baar god me lekar wo sochti hai

Ise Sikhaungi...

Ki agar iska Pati use ek thappad maare
to use maaf kar dena
Par doosre thappad mat khana
kyonki wo thapaad ... gaal par nahi
Aatma par nisaan chodta hai....


Wo Jaar jaar ro rahi hai... bikharne ki had tak khud ko tod rahi hai.... Mano wo Aapni Kalli paniyaali aankho se nikalne wale har aansu se Ishwar dwara likhi naseeb ki kitab me likhi har Kahani , har shabd bas dho dena chahti hai..... jaise uske aansu aaj apne saath saare shabd akshar bas baha le jaan achahte hain...

Uske aankho se aansuon ki ladi gir rahi hai.... aur uski nazron me aag dikh rahi hai... Ye Agni aur Panni ka azab milan dekh rahi hun main...

Mano Aansun uske vajood me lagi aag me ghi ka kaam kar rahe hain...

Man me uske bas kuch pantiyaan ghum rahi hain :

" Kahani likhne se pehle mere bhagya me

  Jaani to hoti meri bhi Raza...

  Khuda tune kyon rachnamakta ke naam pe

  Mujhe Di Zine Ki Saza"

Wo Ab apni Kahani Khud Likhna Chahti hai.... Saare shabd beh gaye hain.... 

Aur wo Kaali Paniyaali aankho se aakhiri ek bund aansu tapakti hai....

Haan bas Itni si hai Kahani...
Haan Us kaali Roti hui Aankhon wali ladki ki!!!!


--------------------------------------------------------------------------------------